Beste ouer, speler, ondersteuner en Buffalo volger,
Ek skryf vir julle as afrigter van die buffalo’s vir die afgelope 4 jaar. Weens werkverpligtinge, sal ek ongelukkig nie vanjaar, 2019, betrokke wees nie. Maar ek wil graag gebruik maak van die Spumante Travel Facebook blad om die ondervinding met julle te deel.
Ons gaan om rugby te speel, en ons gaan om die rugby toernooi te wen! Maar daar is soveel ander goedjies rondom die rugby wat die toer maak. Trein ritte deur plaas gebiede, deur historiese dorpe stap met die span, Venecia ervaar in al sy glorie, en dit stop nie daar nie.
Die Italiaanse kultuur is ‘n kultuur wat mens aangryp aan jou vas kleef. Dis iets wat mens nie kan beskryf nie, veral in die Noorde waar die seuns hulle rugby gaan speel. Die spelers sê altyd na toer was die lekkerste om oor te slaap by van die Italiaanse spelers. Dit bied ‘n hele ander perspektief oor wat eintlik aan die gebeur is met betrekking tot die toer.
In verband met rugby, bied ons die seuns die gevoel van internasionale rugby. Ons bied vir hulle die vryheid om rugby te speel binne ‘n struktuur, maar druk hul nie in ‘n boks en skree vir die manne wat om te doen nie. Ons behandel die span soos ‘n professionele span behandel sal word.
Die samesyn van die seuns na die toer van verskillende skole is iets om te beleef. Dit bring die ouens nader aan mekaar en maak hoërskool rugby interessant op ‘n ander vlak. Dan praat mens nie eers oor die geleenthede wat die toer in Italië skep nie.
Ek is saam met julle opgewonde op dit wat voorlê in 2019 vir die Buffalo’s! Maak die meeste daarva